XX. mendeko Euskararen Corpus estatistikoa

Testuingurua

- Bakoitza bizi den etxearen espazio-banaketa aztertu, horretarako bere plano bat erabiliz, eta espazioa-funtzioa binomioa kontutan hartuz: gelak, pasabidea, sukaldea, komuna, aretoa, e.a.

- Auzoa ikasleen gustora projektatzeko posibilitateak aztertu, espazioak beraiek nahi bezala banatuz, hain zuzen ere.

1.8. Irudiaren prozesu eta erabilera soziala behatu eta aztertu.
1.8.1. Karteletan eta publizitatean egiten den irudiaren erabilera aztertu.

- Ormetan, paretetan, publizitatezko hesietan, ... egiten den publizitate estatikoa behatu, komentatu eta konparatu.

- Aipatutako publizitatea osatzen duten elementuak, banaka nahiz ororki, behatu eta aztertu, honako gauzaok sakonduz: hain letra haundiak erabiltzearen zergatia, euskal grafiaren erabilera, eskuz eginak dauden itxura eman nahia, zenbait koloreren nagusitasun hori, emakume bat erabiltzea, erasokortasun hori, aberastasun itxura hori, inolako zerikusirik ez duen iragarki batetan kirol-argazki bat erabiltzea, e.a.

- Kosmetika, automobil, burdindegi, elikadura, edari, musika, elektratresna, HI-FI, bidaiak, eta abarri buruzko kartelak, egutegiak, erakusleak, katalogoak behatu, konparatu eta komentatu.

- Projektua burutu aurretik edota beronekin batera egin iñarduera hauek.

1.8.2. Telebistan eta zinean irudiak duen balioa komentatu eta aztertu.

- Telesaio iradokor eta erakargarri bat aukeratu eta bere osagai plastikoak komentatuz aztertu.

Marrazki biezietako filmeak izanez gero, komikiaren kasuan egin izandako azterketaren antzeko bat egin: pertsonaien berezitasunak, hondoak, eszenarik garrantzitsuenak, planoak, angeluak, erabili ahal izan diren teknikak, mugimenduaren deskonposizioa, beste zenbait efektu zinetiko, e.a.

Dokumental bat izanez gero, izadia behatzerakoan egin izandakoaren antzeko behaketa eta azterketa bat egin.

- Telesaio eta teleserie ezberdinak konparatu eta kritikatu, beti ere kritika-posibilitateari leku emanez.